Pidato Bahasa Jawa Tentang Kebersihan Lingkungan - Kali ini arsipkantor.com akan memberikan sebuah contoh pidato yang menggunakan bahasa Jawa dengan tema kebersihan lingkungan.
Assalamu’alaikum Wr. Wb.
Alhamdulillahirobbil ‘alamin, wabihi nasta’in ‘ala
umuriddunyawaddin, wa’ala alihi wa shohbihi aj ma’in.
Minangka purwakaning atur, sumangga
kita sedaya tansah ngonjukaken raos syukur wonten ngarsa Dalem Allah Subhanahu
Wa Ta’ala, Pangeran ingkang maha Agung, dene kita sedaya tansah pinaringan
kasarasan. Sholawat saha salam sumangga kita aturaken Nabi kita Muhammad SAW,
ingkang sanget kita tengga syafa’atipun benjang ing dinten kiyamat.
Dewan yuri, para bapa saha ibu guru
ingkang kulo hormati, tuwin sedherek-sedherek ingkang kula tresnani. Ing wekdal
menika mangga kita gatosaken karesikan, resik badan, resik ageman, saha resik
griya utawi lingkungan. Kita kedah emut bilih lingkungan inggih punika panggenan
kangge gesang sedaya, saengga kita kedah nguri-uri lingkungan mliginipun
lingkungan sekolah.
Njagi karesikan lingkungan sekolah
punika salah satunggaling upaya ingkang utama kangge nyegah aneka penyakit.
Menawi lingkungan sekolah kita resik, kita ugi pikantuk dhampak positifipun,
inggih punika pasinaon dados aman lan nyaman.
Karesikan sekolah saged
dipuntindakaken kanthi mbucal larahan utawi sampah ing papan ingkang sampun
dipun sedhiaaken. Sampah saged dipun pisahaken dados 2, inggih punika sampah teles
saha sampah garing. Sampah teles kadosta sisa-sisa dhaharan, ron-ronan,
woh-wohan lan sanes-sanesipun ingkang saget bosok piyambak kanthi alami. Sampah
kala wau saget dipun olah dados pupuk kompos. Lajeng sampah garing kadosta
plastik-plastik, karet, kertas, kaleng, lan sak piturutipun mboten saget bosok
piyambak, kedah dipun gulawenthah amrih saget lebur/bosok, ananging ugi saget
dipunginakaken dados barang-barang kerajinan (manfaat).
Reresik lingkungan sekolah saget
dipuntindakaken kanthi piket kelas supados lare-lare sekolah nggadhahi tanggel
jawab. Pramila, sumangga kita giataken reresik, mliginipun reresik ing
lingkungan sekolah supados sedaya warga sekolah saget sehat, ayem saha tentrem
anggenipun nindakaken pasinaon ing sekolah piyambak-piyambak.
Minangka wusananing atur, kupat
kecemplung ing santen, menawi kulo lepat, kula nyuwun pangapunten.
Wassalamu’alaikum Wr. Wb.
Untuk mendapatkan file dokumen lengkap dalam bentuk microsoft word atau .doc, silahkan klik tautan di bawah ini:
Contoh Pidato Bahasa Jawa Tentang Kebersihan Lingkungan.docx
Terima kasih telah mengunjungi arsipkantor.com, kami tunggu kunjunganya kembali. Apabila menurut anda artikel ini bermanfaat, silahkan share melalui media sosial anda.
Berkomentarlah dengan baik dan sopan, komentar SPAM akan dihapus. Tema komentar bebas, tapi utamakan berkomentar tentang postingan ini.
Emoticon